He kaiako reo Māori, he kaituhi, he kaiwhakawhiti reo hoki a Hēmi Kelly (nō Ngāti Maniapoto, nō Ngāti Tahu-Ngāti Whāoa). Nāna i tuhi te pukapuka A Māori Word A Day, ka whai mai ko A Māori Phrase A Day. Nāna i whakamāori te pakimaero poto o Sleeps Standing nā Witi Ihimaero, te pakimaero o The Alchemist nā Paulo Coelho, ā, nāna hoki tēnei whakaari o Translations nā Brian Friel i whakamāori. Ko Hēmi te Kaiwhakahaere o Tautika Ltd, he kaitohutohu reo Māori ia, ā, ko ia hoki te kaihanga me te kaiwhakahaere i ngā pae ako ā-ipurangi o Everyday Māori.